                                   Tux Paint
                                 versión 0.9.26
                     Documentación de variábeis de contorno

    Copyright © 2021-2021 por varios colaboradores; vexa AUTHORS (AUTORES).
                            http://www.tuxpaint.org/

                               11 de Maio de 2021

     ----------------------------------------------------------------------

   Tux Paint comprende unha serie de variábeis de contorno, ben directamente
   ou indirectamente polas bibliotecas que emprega.

Variábeis de contorno relacionadas co almacenamento

   HOME

           Especifica o «directorio persoal» do usuario, que se usa para
           localizar outros ficheiros ou directorios. Nalgúns casos, úsase
           como parte dunha situación alternativa, cando non se configuran
           outras variábeis de contorno (noutros lugares desta
           documentación). Ás veces, a localización a empregar pode ser
           anulada polas opcións fornecidas na liña de ordes ou a través do
           ficheiro de configuración de Tux Paint. Consulte a documentación
           de «OPCIÓNS» (OPTIONS) para máis detalles.

           Algúns exemplos de onde se usa «$HOME» inclúen:

              * A localización do ficheiro de configuración de Tux Paint
              * A base de onde Tux Paint garda e carga os debuxos dos
                usuarios
              * A localización da colección privada de ficheiros de datos dun
                usuario — selos, pinceis, etc. — (fronte aos dispoñíbeis no
                sistema)

   XDG_CONFIG_HOME

           En Linux e noutras plataformas onde se usan os estándares X
           Desktop Group, a localización dos ficheiros de configuración do
           usuario. Especificamente, onde atopar «user-dirs.dirs», onde se
           podería definir o «XDG_PICTURES_DIR». Úsase para exportar debuxos
           e GIF animados. Xeralmente estabelecese en algo así como
           «$HOME/Pictures/». Se non se especifica, Tux Paint comproba no
           directorio «$HOME/.config/». Se non se pode atopar a
           configuración, Tux Paint simplemente exporta debuxos e GIF a
           «$HOME».

   XDG_DATA_HOME

           En Linux e noutras plataformas onde se usan os estándares X
           Desktop Group, a localización dos directorios de datos do usuario.
           En concreto, onde atopar o directorio «Trash». Úsase cando se
           eliminan imaxes do diálogo «Abrir» de Tux Paint. Se non se define,
           úsase a localización «$HOME/.local/share/Trash/», se está
           dispoñíbel. Se non, as imaxes bórranse simplemente no canto de
           movelas a calquera outro lugar.

   TEMP

           Especifica a localización onde se poden crear ficheiros temporais.
           Só o usa Tux Paint nos sistemas operativos Microsoft Windows.
           Emprega «userdata» se non se define.

Variábeis de contorno relacionadas co idioma

   LANG

   LANGUAGE

   LC_ALL

   LC_MESSAGES

           Especifica o idioma que debe empregar Tux Paint na súa interface
           de usuario. Anulada polas opcións da liña de ordes «--lang» e
           «--locale» ou as súas equivalentes do ficheiro de configuración.
           Utilízase a variábel de contorno 'LANGUAGE', se está definida. Se
           non, «LC_ALL» úsase como alternativa. Após «LC_MESSAGES» e,
           finalmente, «LANG».

Variábeisbles de contorno relacionadas co que se amosa

   A seguir amósanse algunhas das variábeis de contorno compatíbeis con
   Simple DirectMedia Layer (libSD) — que Tux Paint utiliza para amosar
   gráficos, reproducir sons e recibir entrada do rato, teclado e joystick —
   e que poden ser útiles para os usuarios de Tux Paint.

   SDL_VIDEO_ALLOW_SCREENSAVER

           Especifica se Tux Paint debería permitir a execución dun protector
           de pantalla. Pode ser definido como «1» (verdadeiro) polo propio
           Tux Paint emitindo a opción de liña de ordes «--allowscreensaver»
           ou o seu equivaente no ficheiro de configuración.

   SDL_VIDEO_WINDOW_POS

           Solicita onde colocar a xanela de Tux Paint. Normalmente
           estabelécese en «center» polo propio Tux Paint, a menos que a
           variábel de contorno xa estea estabelecida (por exemplo, en
           «nopref», que significa «sen preferencia»).
